Tēnā koutou katoa

Ko Otago Community Trust he tarahiti nā te hapori e tuku pūtea ana ki te tautoko i kā kaupapa hapori e whakawhanake ana i kā hapori o te rohe.

I ara ake ai tā mātou pūtea tuku iho nā te ture i te tau 1988 i te wā i whakatūria ai e te Kāwanataka te Otago Community Trust ki te pupuri me te whakahaere i kā inati ā Trust Bank Otago. Nāwai, nāwai, ka whakatūria ai e kā pēke tarahiti ā-rohe a Trust Bank New Zealand, ka tae ana ki te tau 1996, kua hokona atu e Otago Community Trust ā rātou inati ki a Westpac New Zealand. Nā tēnei hokonga atu i whakatakotoria ai te tūāpapa haupū rawa e $131 miriona te uara, i taea ai hoki e mātou te whakahaere i a mātou anō.

Mai i taua wā ki tēnei wā, kua āta whakahaerehia, kua āta whakatipuria e Otago Community Trust a mātou rāraki haumi mā te whakamahi i kā hua o ia tau ki te tautoko i kā rōpū me kā kaupapa hapori o te rohe.

Kāore te Otago Community Trust e whiwhi moni i kaituku pūtea kē atu, i kā pūrere petipeti rānei.

E whakahaeretia ana te tarahiti e kā kaitiaki 11 kua whakatūria e te Minita Take Pūtea kia noho ai mō kā tau e whā - tirohia kā kōrero mō a mātou kaitiaki ki konei.

Ko tā mātou whāika mō kā hapori o te rohe nei kia kahau, kia kaha, kia tāwharautia te tangata, kia tāwharautia kā taonga tuku iho me te taiao. Kia ea ai tā mātou whāika, me tuku pūtea ki kā wāhaka e whā o tā mātou aroka matua:

Hapori whaikaha
Ka pakari ake te oraka
Ka nui ake te whai wāhi
Ka ora rawa atu kā tamariki me kā rakatahi

Anei tā mātou rautaki hou e para ana i te huanui mō te tarahiti hei kā tau e rima kei mua.

Ia te tau ka tautoko ā mātou tukunga pūtea i kā tini kaupapa, i kā hōtaka, i kā rawapuni, i kā ratoka hoki e whakapakari ana i tā mātou whāika. Kei te āhua o te kaupapa te nui, te iti, te utu rakitahi o kā tukuka pūtea ki kā rōpū whakahaere hapori, te utu ā-tau rānei o kā tukuka pūtea ki kā kaupapa nui whakaharahara a te hapori.

Anei he taipitopito kōrero atu anō mō tā mātou tuku pūtea.

He kanohi kitea ā mātou kaimahi. Ki te hiahia kōrero tohutohu koe e pā ana ki te tuku pūtea, ki te pīraki rānei koe ki te kōrero mō tētahi kaupapa, kei konei mātou ki te āwhina, tēnā, waea mai ki 0800 10 12 40, īmerahia rāneitia tō pātai ki info@oct.org.nz